صحافة بلادي صحيفة إلكترونية مغاربية متجددة على مدار الساعة تعنى بشؤون المغرب الجزائر ليبيا موريتانيا تونس
المغرب – بعيدا عن الروايات الجاهزة…اجيو تفهمو شنو وقع بالضبط ف مدينة مليلية المغربية المحتلة.
نهار الجمعة 24 يونيو 2022 فمدينة الناظور او الجمعة السوداء كيف ماكايسميها البعض ..غادي نفيقو على وقع أعمال عنف وتخريب تجاوزات كل الحدود من طرف الاف المهاجرين الافارقة جنوب الصحراء ..اللي بغاو يقتاحمو الحدود بالعنف ودارو محاولة لعبور السياج الحديدي ودخول مدينة مليلية المغربية المحتلة.
هاد الحشود الكبيرة اللي كاتشوفو ديال هاد المهاجرين حاولو يسيطرو على مدينة مغربية علا قدها ..كل واحد فيهوم كان مسلح باسلحة خطيرة بزاف ..السكاكين..السيوف..العصي..الحجر…وحاولو يتعداو عل المدنيين بالعنف وحتى عل عناصر القوات العمومية المغربية
من غير الأسلحة الخطيرة اللي كانو هازين معاهوم..كان متعمدين انهم يضربو عناصر القوات العمومية المغربية بوحشية وهمجية ..وكانو مستعدين أشد الإستعداد باش يخربو ويدمرو اي حاجة قدامهوم ويقتاحمو الحدود بكل عدوانية ..فنظركم اشمن دولة غاتقبل علا بحال هاد الممارسات الخطيرة توقع عندها؟
القوات المغربية حاولات تمنعهوم بطريقة تمكنا من الخروج بأقل الأضرار ولكن العدد ديالهوم كان كبير بزاااف وكانو مسلحين وعدوانيين الشيء اللي صعب المهمة كثر وكثر…فاضطرات القوات العمومية المغربية انها تستعمل الكريموجين باش توقف هاد الفوضى وهاد الجرائم اللي كاتهدد سلامة وامن واستقرار المواطن المغربي والمملكة المغربية
المدنييين فمدينة الناظور خافو وتخباو وماقدروش يخرجو خوفا من التعرض لأعمال عنيفة من طرف هاد المهاجرين اللي مكانش باينة عليهوم ان فقلبهوم ذرة رحمة او شفقة اتجاه هاد الناس..اي حاجة لقاوها قدامهوم كايدمروها ويخربوها .
معظم حالات الوفيات اللي وقعات ف صفوف هاد المهاجرين كانت بسبب سقوطهوم من السياج الحديدي اللي كان كايبلغ الطول ديالو 12 متر دالعلو.
القوات المغربية دارت تعامل مهني واحترافي باش تا واحد مايتعرض للاذى ونخرجو بأقل الخسائر..ولكن للاسف هاد المهاجرين وبسباب هاد الأعمال الإجرامية اللي كاتخالف القوانين الدولية والاتفاقيات الموقعة مع الجارة الإسبانية والاتحاد الأوروبي فهاد الاطار ..لقاو الحتف ديالهوم بطريقة مأساوية بزاف.
مانساوش نذكرو ان هاد الاقتحام تسبب ف اصابة 140 شخص من رجال القوات العمومية المغربية وفق بلاغ رسمي من السلطات المغربية..
هاد المهاجرين بعينهم تم جلبهم من مناطق نزاعات مسلحة ، مثل تشاد و إقليم دارفور جنوب سودان و جنوب ليبيا و شمال النيجر ، ليندسوا داخل تجمعات المهاجرين الأفارقة القادمين من جنوب الصحراء .
هاد الكارثة داروها أعداء المملكة واللي تم التخطيط لها على عجل ، و هو ما سهل مهمة كشفها و تتبع خيوطها بالصور الفضائية و فيديوهات جوية لدرونات إستطلاعية ، وضعت على طاولة الخارجية الإسبانية و الإتحاد الأوروبي و الأمم المتحدة و منظمة الهجرة و غوث اللاجئين و سفراء الدول الإفريقية المعتمدين لدى المملكة على التوالي كأدلة قاطعة ، بدأت بتجميع مهاجرين أفارقة مدربون على خلق الفوضى و الشغب و التعامل مع الأسلحة بمختلف أصنافها ، تم تجميعهم بجنوب إحدى الدول الجارة ، و نقلهم على مراحل في أفواج متقاربة العدد لتسهيل مأمورية تهريبهم داخل المغرب عبر الحدود البرية الشاسعة .
و من بين الفيديوهات و الصور التي وضعت على طاولة الإتحاد الأوروبي كأدلة مادية قاطعة ، فيديو و صور جوية لمخيم مهاجرين يفوق تعدادهم 15 ألف مهاجر قاموا بتجميعهم قرب الحدود المغربية بعد أن تم نقلهم في أفواج على عدة مراحل .
المصدر : صحافة بلادي
